الشروط والأحكام
آخر تحديث: 12 أكتوبر 2026
دي الشروط بتاعة استخدام aiwithadel.com والكورسات. أول ما تحجز أو تدفع أو تعمل حساب، يبقى إنت موافق عليها.
مين إحنا
aiwithadel.com موقع AI with Adel، وبتشغّله وبتبيع الكورسات شركة Gear Nests LLC، Sterling, Virginia 20166, USA. لأي سؤال ابعت على hello@aiwithadel.com.
الكورس
- «ابني أول مشروع ليك بالـ AI» كورس أونلاين بينزل كله مرة واحدة في ميعاد هيتعلن قريبًا، وتمشي فيه على راحتك.
- اللي بتاخده: الدروس والملفات اللي على الموقع، ومعاهم الهدايا المكتوبة في صفحة الكورس: أول شهر Claude في «تيم القهوة»، وأول سنة للدومين.
- أول شهر Claude هدية مني: بتدخل «تيم القهوة» على Claude وتشتغل بيه من أول يوم، وبتمشي عليه شروط Anthropic. ولو حبيت تكمّل معانا في عيلة القهوة بعد الشهر، التجديد متاح.
- الدومين هدية أول سنة، لحد $15 (يكفي أي .com عادي): بتحجزه بنفسك في حسابك جوه الكورس، وبعد ما الموقع يتأكد إنه بتاعك وإنه جديد، تمنه بيرجعلك على نفس طريقة الدفع: لو دفعت بالكارت بيرجع Automatic، ولو دفعت بـ InstaPay من مصر بيرجعلك لحد 750 جنيه على InstaPay يوم السبت. دومين واحد لكل مشترك، والتجديد بعد كده عليك. «أول دفعة» بنحجزلهم الدومين بنفسنا.
- «النسخة المجانية» من الكورس (لما عادل يدّيك الكورس ببلاش): بتاخد الكورس كامل، من غير شهر Claude الهدية ومن غير الدومين.
- ممكن نطوّر محتوى الكورس أو ترتيبه أو نضيف عليه، بشرط إن اللي اتوعدت بيه في صفحة الكورس يفضل موجود.
حسابك
- الحساب ليك إنت بس. ممنوع تشارك الدخول مع حد تاني، ولو حصل ممكن نقفل الحساب.
- إنت مسؤول تحافظ على الباسورد بتاعك، وتبلّغنا لو حد دخل على حسابك من غيرك.
الأسعار والدفع
- الدفع بيتم عن طريق Stripe. السعر اللي بيظهرلك في صفحة الدفع هو اللي بتدفعه، بعملتك أو بالدولار.
- سعر الإطلاق لأول 50 بس. بعدهم الكورس بالسعر الكامل.
- تقدر تدفع وإنت بتحجز، أو تحجز مجانًا وتدفع لحد ما الكورس يبدأ. بعدها قدامك 48 ساعة، وإلا المكان بيروح للي بعدك.
- ممكن الأسعار تتغير بعدين، بس ده ما بيأثرش على اللي إنت دفعته.
الاسترجاع
ضمان 7 أيام، بشرط ما تكونش عدّيت 20% من الكورس. التفاصيل كلها في سياسة الاسترجاع.
المحتوى
- الدروس والملفات والـ Skills اللي في الكورس لاستخدامك إنت. ممنوع تعيد نشرها، أو تبيعها، أو تديها لحد تاني.
- اللي إنت بتبنيه في الكورس (البراند، واللوجو، والصفحة، والمحتوى) بتاعك إنت 100%.
أول دفعة (10 مجانًا)
- اللي هيتم اختياره بياخد الكورس مجانًا، ومعاه Mentorship ودعم لحد ما يخلّص مشروعه.
- وفي المقابل بيلتزم إنه يبني أول مشروع ليه بالـ AI بجد، ويطلع بموقع شغال، ولوجو وديزاين، وقنوات سوشيال جاهزة.
- الاختيار بيتم بقرار مني بعد ما أقرا كل حالة، على حسب هو محتاج الكورس قد إيه وهيفرق معاه في إيه. وبنشر ليه تم اختيار كل واحد، وقصة مشروعه على الموقع، بموافقته.
المكافآت و«شارك مع أصحابك»
- لو نشرت منشور عن الكورس، يرجعلك 5% من تمنه.
- كل مشترك ليه «رمز المشاركة» بتاعه، ولينك فيه الرمز ده. لكل صاحب يحجز بلينكك أو برمزك ويدفع، ليك 5% من تمن الكورس.
- المكافأة بتتحسب لما فترة الاسترجاع بتاعة صاحبك تقفل: بعد 7 أيام من دفعه، أو أول ما يعدّي 20% من الكورس، أيهما ييجي الأول.
- بترجعلك Automatic على نفس الكارت أو طريقة الدفع اللي دفعت بيها الكورس، لحد المبلغ اللي إنت دفعته.
- اللي يزيد عن المبلغ ده بنحوّلهولك بإيدينا على PayPal أو Wise، أو InstaPay لو في مصر. بنطلب منك الإيميل بتاع حسابك هناك أو عنوان InstaPay، ومش بنطلب أبدًا رقم كارت أو حساب بنكي.
- كل التحويلات اللي بتتعمل بإيدينا (InstaPay وPayPal وWise) بتتعمل مرة في الأسبوع، يوم السبت. اللي بيرجع على الكارت بيرجع Automatic من غير ما يستنى.
- تقدر تتابع مكافآتك وتطلبها من صفحتك على الموقع (كورساتي).
- ممنوع تستخدم رمزك لنفسك، أو تعمل حسابات وهمية. ولو حصل تلاعب، المكافآت بتتلغي.
مكالمات مع عادل (الحجز من صفحة الحجز)
- المكالمة أونلاين على Google Meet: «استشارة سريعة» 30 دقيقة، أو «Map وخطة لشغلك» ساعة. السعر مكتوب في صفحة الحجز، وبيتدفع وقت الحجز.
- الحجز بيبقى قبل المكالمة بـ 48 ساعة على الأقل.
- تغيير الميعاد: تقدر تغيّره لحد قبل المكالمة بـ 24 ساعة، بإيميل على hello@aiwithadel.com. بعد كده، الميعاد مايتغيّرش.
- لو ماحضرتش المكالمة من غير ما تبلّغ قبلها بـ 24 ساعة، مفيش استرجاع للفلوس.
- لو اتفقنا على مشروع بعد المكالمة: المبلغ اللي دفعته في الحجز بيتخصم من تمن المشروع، في أي مشروع نشتغل فيه سوا.
- المكالمة استشارة ورأي من خبرة عادل، والتنفيذ وقراراتك في شغلك مسؤوليتك إنت.
النتايج
الكورس بيعلمك طريقة شغل بالـ AI، وبتطلع منه بحاجات حقيقية بنيتها بإيدك. بس ما بنضمنش دخل أو أرباح أو نتايج معيّنة، لأن ده بيعتمد عليك وعلى شغلك. وأدوات الـ AI بتتغير، وأي اشتراكات أو خدمات تانية برّه الهدايا تمنها عليك.
شغلك ومسؤوليتك
- الكورس بيعلّمك تبني مشروعك بالـ AI وتجهّزه أونلاين، ومنه إزاي تربط بوابة دفع بموقعك. إحنا بنساعدك في الخطوات وبنرشّحلك اختيارات، بس الاختيار والقرار ليك.
- كل اللي يخص شغلك تبعك إنت: تسجيل شركتك أو نشاطك، والضرايب، وقوانين بلدك، والتراخيص، وأسعار منتجاتك، وطريقة بيعك وتعاملك مع عملائك.
- شركات الدفع (زي Stripe و Paymob و Tap وغيرهم) ليها رسومها وشروطها الخاصة، وبتتغير. اتأكد منها بنفسك على موقع كل شركة قبل ما تبدأ.
- لو محتاج رأي قانوني أو ضريبي، اسأل محاسب أو محامي في بلدك. إحنا مش مسؤولين عن أي التزام قانوني أو ضريبي أو مالي عليك من شغلك.
القانون
الشروط دي بتمشي عليها قوانين ولاية Virginia الأمريكية، لأن الشركة مسجلة هناك.
تغيير الشروط
ممكن نحدّث الشروط دي. أي تغيير كبير هنبلّغك بيه على الإيميل قبل ما يبدأ.