سياسة الاسترجاع
آخر تحديث: 12 أكتوبر 2026
عايزك تدخل الكورس وإنت مطمّن. لو مش مناسب ليك، فلوسك ترجعلك. بس بشروط واضحة، عشان الضمان يفضل عادل للكل.
البيع والاسترجاع بيتموا عن طريق Gear Nests LLC، Sterling, Virginia 20166, USA.
باختصار
- تقدر تطلب استرجاع كامل خلال 7 أيام، بشرط ما تكونش عدّيت 20% من الكورس.
- لو عدّيت 20% من الكورس، أو عدّت الـ 7 أيام، مفيش استرجاع. ساعتها كمّل، وأنا معاك.
ضمان الـ 7 أيام
- الـ 7 أيام بتبدأ من يوم ما الكورس يبدأ ليك (ميعاده هيتعلن قريبًا)، أو يوم ما تدفع لو دفعت بعد كده.
- شرط الـ 20%: الموقع بيحسب تقدّمك في الكورس من الدروس والملفات اللي فتحتها. أول ما تعدّي 20% من الكورس، الضمان بيقفل، حتى لو لسه جوّه الـ 7 أيام.
- تقدّمك بتشوفه في صفحتك على الموقع طول الوقت، عشان تبقى عارف إنت فين.
الحجز والدفع
- تقدر تدفع وإنت بتحجز، أو تحجز مجانًا وتدفع لحد ما الكورس يبدأ.
- يوم ما الكورس يبدأ، اللي لسه ما دفعش بيوصله لينك الدفع، وقدامه 48 ساعة. لو ما دفعش فيهم، مكانه بيروح للي بعده.
- لو دفعت بدري، ضمان الـ 7 أيام بيبدأ برضه من يوم ما الكورس يبدأ، مش من يوم ما دفعت.
الهدايا اللي مع الكورس
- لو دخلت «تيم القهوة» واستخدمت شهر Claude الهدية، تمنه بيتخصم من المبلغ اللي بيرجعلك.
- لو حجزنالك الدومين، تمنه بيتخصم من المبلغ اللي بيرجعلك، والدومين بيفضل بتاعك.
المكافآت والخصومات
- الـ 5% بتاعة المنشور، والـ 5% لكل صاحب يحجز برمز المشاركة بتاعك، بتتحسب لما فترة الاسترجاع بتاعة صاحبك تقفل: بعد 7 أيام من دفعه، أو أول ما يعدّي 20% من الكورس.
- لو إنت رجّعت فلوسك، المكافآت اللي خدتها بتتلغي وبتتخصم من المبلغ اللي بيرجعلك.
- اللي داخل مجانًا من «أول دفعة» مفيش استرجاع ليه، لأنه ما دفعش. واللي داخل بخصم بتمشي عليه نفس الشروط دي على المبلغ اللي دفعه.
إزاي تطلب الاسترجاع؟
- ابعت إيميل لـ hello@aiwithadel.com من نفس الإيميل اللي دفعت بيه، واكتب «استرجاع».
- هرد عليك خلال يومين شغل. والفلوس بترجع على نفس الكارت خلال 5 لـ 10 أيام شغل، حسب البنك بتاعك.
- المبلغ بيرجع بنفس العملة اللي دفعت بيها. فرق سعر الصرف أو رسوم البنك مش في إيدينا.
- أول ما الاسترجاع يتم، دخولك على الكورس بيتقفل.